Aċċiola Al Cartoccio

Ipprova din ir-riċetta Mediterranja: Aċċola mħawra u msajra fil-forn.

1 Aċċola
4 Imgħaref Żejt taż-Żebbuġa Ekstra Verġni
200g Tadam taċ-ċirasa
1 Lumija
1 Basla
2 Sinniet Tewm
Tursin frisk
100g Żebbuġ Iswed
400g Patata Bajda
Żejt imħawwar bil-ħabaq għal fuq il-platt:
Ħabaq frisk
200ml Żejt taż-Żebbuġa Ekstra Verġni
Melħ u bżar għat-togħma

Il-Metodu

Pass numru 1

Felli għat-tul il-ħuta u naddafha. Żid il-flieli tal-lumi.

Pass numru 2

Ġo skutella, ħallat flimkien iż-żejt taż-żebbuġa ekstra verġni, it-tadam taċ-ċirasa, il-basla mqatta’, iż-żewġ sinniet tewm, it-tursin frisk u ż-żebbuġ iswed.

Pass numru 3

Poġġi l-Aċċola fuq tilar miksi b’Carta forno u ifrex l-ingredjenti tal-iskutella fuq il-ħuta. Għatti u ssiġilla bil-fojl.
Żid il-patata fuq it-tilar u aħmi fil-forn f’temperatura ta’ 180°C għal 20 minuta, u wara 10 minuta oħra mikxufa.

Pass numru 4

Waqt li l-Aċċola tkun qed issir, ipprepara ż-żejt tal-ħabaq billi tħallat ftit ħabaq frisk, żejt taż-żebbuġa ekstra verġni, u l-melħ u l-bżar skont il-gosti tiegħek.

Pass numru 5

Qaxxar il-ġilda tal-ħuta u neħħi x-xewk. Servi l-fletti tal-Aċċola bil-patata u l-ħaxix bħala kontorn u xerred ftit żejt tal-ħabaq fil-wiċċ.

Mhux ċert/a minn fejn ser tibda? Segwi dan il-filmat ta’ kif tagħmel din ir-riċetta.

Ara aktar riċetti

Acciola Al Cartoccio

Greater Amberjack Tartare with Tomato, Olive & Sumac

Tumbrell alla Puttanesca

Little Tunny Carpaccio with Fennel & Orange

Festive Amberjack with Citrus–Herb Crust, Artichoke Cream, Spinach & Pomegranate

Grilled Horse Mackerel with Braised Leeks & Fennel + Light Caper & Olive Oil Sauce

Ceviche tat-Tumbrell

Ħut moqli bil-panura tal-birra

Pan Fried Scabbardfish & Winter Citrus Salad

Tumbrell mixwi f’taġen b’zalza rikka tat-tadam