Aċċola għal żmien il-festi, bil-qoxra tagħha mħawra bil-qxur taċ-ċitru, krema magħmula mill-qaqoċċ, spinaċi u rummien
Platt għal żmien il-festi: Aċċola bil-ġilda tqarmeċ imħawra biċ-ċitru, servuta fuq krema magħmula mill-qaqoċċ, u bi gremolata tar-rummien fil-wiċċ.
- 01 HR 00 MINS
- medja
- 500 calories
- Aċċola:
- 4 Fletti tal-Aċċola (150-180g kull waħda) bil-ġilda
- Iż-żejt taż-żebbuġa
- Melħ tal-baħar u bżar
- Meraq ta’ lumija
- Meraq ta’ larinġa
- 1 mgħarfa weraq frisk tan-nagħniegħ
- 1 mgħarfa tursin imqatta’
- 1 mgħarfa merqtux imqatta’
- Krema tal-qaqoċċ:
- 5 qaqoċċ kbar (mirquma, preferibbilment il-qlub tal-qaqoċċ)
- 1 basla żgħira, imqatta’
- 1 sinna tat-tewm
- 200ml stokk ta’ dada tal-ħaxix jew tal-ħut
- 50ml Krema (skont il-preferenza tiegħek)
- Iż-żejt taż-żebbuġa
- Melħ u bżar
- Gremolata tar-rummien:
- Żerriegħa ta’ nofs rummiena
- 1 mgħarfa tursin imqatta’ fin
- 1 mgħarfa qoxra tal-lumi
- 1 mgħarfa qoxra tal-larinġ
- 1 mgħarfa żejt taż-żebbuġa ekstra verġni
- Melħ tal-baħar
- Spinaċi:
- 500g spinaċi
- 50g tewm
- Noċemuskata
- Melħ u bżar
- Fl-aħħar: Żejt imħawwar bil-ħxejjex Maltin jew żejt tal-ħabaq
- Il-Valur Nutrizzjonali (għal kull porzjon)
- Kaloriji: ≈ 400 - 550 kcal
- Proteina: ≈ 35-45g
- Xaħam: ≈ 20-35g
- Karboidrati: ≈ 15-25g
- Fibra: ≈ 6-9g
- Omega-3: ≈ 0.5-1.5g
Il-Metodu
Pass numru 1
Ipprepara l-qoxra tal-ħuta bit-taħlita tal-ħxejjex u ċ-ċitru:
- Ħallat flimkien il-qoxra tal-lumi, il-qoxra tal-larinġ, it-tursin, in-nagħniegħ, il-merqtux, il-melħ u l-bżar.
- Iksi n-naħa tal-ġilda tal-Aċċola bit-taħlita. Ħalliha tistrieħ għal 10 minuti.
Pass numru 2
Ipprepara l-Krema tal-qaqoċċ:
- F’borma, aqli l-basal u t-tewm fiż-żejt taż-żebbuġa.
- Żid il-qlub tal-qaqoċċ u aqlihom għal 2-3 minuti.
- Ferra’ l-istokk ta’ dada tal-ħaxix jew tal-ħut u ħalliha ttektek sakemm jirtab kollox.
- Idħan kollox sakemm it-taħlita ma jibqalhiex biċċiet fiha; żid il-krema jekk tixtieq.
- Ħawwar skont il-gosti tiegħek u żomm it-taħlita sħuna.
Pass numru 3
Ipprepara l-ispinaċi:
- Saħħan l-ispinaċi fuq nar baxx, żid it-tewm u ftit noċemuskata.
- Ħawwar skont gostik.
Pass numru 4
Sajjar l-aċċola:
- Saħħan iż-żejt taż-żebbuġa f’taġen li ma jwaħħalx.
- Sajjar in-naħa tal-ġilda l-ewwel sakemm din tiġi tqarmeċ.
- Dawwar il-ħuta u sajjarha għal 2-3 minuti oħra skont il-ħxuna.
- Ħalliha tistrieħ ftit.
Pass numru 5
Ipprepara l-gremolata festiva:
- Ħallat iż-żerriegħa tar-rummien, it-tursin, il-qoxra taċ-ċitru, iż-żejt taż-żebbuġa u l-melħ tal-baħar flimkien.
- Dan jagħti dik ix-xeħta festiva lill-platt tiegħek.
Pass numru 6
Il-preżentazzjoni tal-platt:
- Poġġi mgħarfa mit-taħlita tal-krema tal-qaqoċċ fil-qiegħ tal-platt.
- Poġġi l-ispinaċi bħala l-bażi tal-platt.
- Qiegħed l-Aċċola fuq l-ispinaċi, iżda ħalli n-naħa tal-ġilda tidher.
- Xerred il-gremolata tar-rummien fuq kollox.
- Spiċċa billi xxerred ftit żejt tal-ħxejjex aromatiċi jew tal-ħabaq fuq il-platt.
