Grilled Horse Mackerel - Recipe - Explore Fish Variety

Sawrell mixwi bil-kurrat u l-bużbież, b’zalza tal-kappar u ż-żejt taż-żebbuġa

Riċetta tipika Mediterranja. It-togħma rikka tas-Sawrell sħiħ mixwi, imur tajjeb mal-kurrat u l-bużbież, akkumpanjati minn zalza tal-kappar, shallots u żejt taż-żebbuġa fin.

Ħut:
4 Ħutiet tas-Sawrell (iffilettjati)
2-3 mgħaref żejt taż-żebbuġa
Melħ u bżar
Flieli tal-lumi (biex isservi fuq il-platt)
Ħaxix:
2 kurrat, imnaddfa u maqtugħa f’rettangoli ħoxnin
2 bużbież, imqatta’ fi flieli
2 mgħaref butir
1 mgħarfa żejt taż-żebbuġa ekstra verġni
½ kikkra (120ml) inbid abjad
Kikkra stokk ta’ dada tal-ħaxix
Melħ u bżar għat-togħma
Ftit xorb Pastis
Zalza tal-kappar u ż-żejt taż-żebbuġa:
8 mgħaref żejt taż-żebbuġa ekstra verġni
1 mgħarfa meraq tal-lumi
3 mgħaref kappar żgħir, imlaħlaħ
2 shallots imqatta’ fini
3 mgħaref kurrat salvaġġ imqatta’ fin, imsajjar bil-mod fiż-żejt taż-żebbuġa

Il-Metodu

Pass numru 1

Ixwi l-kurrat u l-bużbież u wara ħallih itektek:

Saħħan iż-żejt taż-żebbuġa f’taġen kbir.
Żid il-kurrat u l-bużbież imqattgħin; ħawwar ftit.
Sajjarhom fuq nar medju għal 3-4 minuti sakemm jibdew jirtabu.
Ferra’ l-inbid abjad u l-pastis u ibqa’ sajjar sakemm kważi jevaporaw kompletament.
Żid l-istokk ta’ dada tal-ħaxix, għattihom, u ħallihom itektku bil-mod għal 10-12-il minuta sakemm jirtabu.
Żid il-butir eżatt qabel ma sservi biex tagħmel emulsjoni tal-likwidu li jkun fadal.

Pass numru 2

Ipprepara z-zalza:

Iż-żejt taż-żebbuġa
Il-meraq tal-lumi
Il-kappar
Ix-Shallots diġà msajra

Duq u żid il-bżar u l-melħ skont il-gosti tiegħek. Iz-zalza għandha tkun waħda ħafifa u mhux densa.

Pass numru 3

Ixwi s-Sawrell:

Saħħan it-taġen fuq nar għoli.
Idlek is-Sawrell biż-żejt taż-żebbuġa, u ferrex ftit melħ u bżar.
Ixwi għal 3-4 minuti fuq kull naħa, skont id-daqs, sakemm il-ġilda tiġi tqarmeċ u l-laħma tkun imsajra.

Pass numru 4

Il-preżentazzjoni tal-platt:

Poġġi fil-qiegħ il-kurrat u l-bużbież fuq kull platt.
Poġġi s-Sawrell mixwi fuq il-ħaxix.
Ferrex ftit iz-zalza tal-kappar u ż-żejt taż-żebbuġa.
Poġġi l-flieli tal-lumi fil-ġenb tal-platt.

Din ir-riċetta hija aktar faċli milli taħseb.

Ara aktar riċetti

Acciola Al Cartoccio

Greater Amberjack Tartare with Tomato, Olive & Sumac

Tumbrell alla Puttanesca

Little Tunny Carpaccio with Fennel & Orange

Festive Amberjack with Citrus–Herb Crust, Artichoke Cream, Spinach & Pomegranate

Grilled Horse Mackerel with Braised Leeks & Fennel + Light Caper & Olive Oil Sauce

Ceviche tat-Tumbrell

Ħut moqli bil-panura tal-birra

Pan Fried Scabbardfish & Winter Citrus Salad

Tumbrell mixwi f’taġen b’zalza rikka tat-tadam