Ġib it-togħmiet vibranti tal-Mediterran fil-kċina tiegħek. F’din ir-riċetta nsibu t-tumbrell mixwi f’taġen bil-kappar, qarabagħli, u zalza rikka tat-tadam. Din hija riċetta perfetta biex tbil biċċa ħobż tal-Malti fiha.
Qatta’ t-tumbrell fi fletti u wara qattgħu f’biċċiet żgħar.
Qatta’ l-qarabagħli fi flieli rqaq.
Iksi l-ħut u l-qarabagħli fid-dqiq.
Aqli l-ħut fiż-żejt taż-żebbuġa għal madwar 5 minuti kull naħa sakemm il-ħuta jkollha qoxra.
Neħħi mit-taġen u żid ftit żejt ieħor, u aqli l-qarabagħli għal madwar 8 minuti b’kollox sakemm ikun irtab ftit.
Neħħi u uża l-istess taġen biex tibda z-zalza tiegħek. Żid iż-żejt taż-żebbuġa, il-basal, it-tewm, il-polpa tat-tadam, il-kunserva, iz-zokkor, in-nagħniegħ frisk, iż-żebbuġ, u l-kappar.
Ħallih itektek għal madwar 15-il minuta, imbagħad żid il-qarabagħli u l-ħut lura fit-taġen.
Tektek fuq nar baxx għal madwar 20 minuta sakemm il-ħuta tkun assorbiet ftit miz-zalza.
Servi mar-ross, jew mall-patata mixwija jew inkella mal-ħobż tal-Malti.
EXPLORE VARIETY, EAT SUSTAINABLE FISH©2026