Bullet Tuna Tartare Tortilla - Recipe

Tartare tat-Tumbrell ippreżentat fuq tortilla, Yuzu Mayo u purè tal-Avokado

Din ir-riċetta tibbilanċja ċ-ċitru mal-ħlewwa naturali, u b’hekk hija ikla ideali għax ħafifa. Tmur tajjeb ukoll jekk tkun servuta bħala l-ewwel platt f’xi ikla sajfija jew f’xi ċena fina.

300g tumbrell frisk ħafna (grad ta’ sashimi), imqatta’ fin jew imqatta’ f’dadi
Żejt taż-żebbuġa ekstra verġni, għat-togħma
Melħ tal-baħar fin, għat-togħma
Bżar iswed jew abjad mitħun
150g mayonnaise ta’ kwalità tajba
1-1½ mgħaref meraq tal-yuzu, għat-togħma
Il-meraq ta’ 1 lumiċell qares
2 avokado misjura
Meraq ta’ nofs lumija
Bżar aħmar frisk, imqatta’ fin (mhux obbligatorju)
4 tortillas żgħar tad-dqiq jew tal-qamħirrum
Cress leaves friski
Flieli tal-lumiċell qares

Il-Metodu

Pass numru 1

Ipprepara l-ħut:
Qatta’ f’dadi jew f’biċċiet żgħar it-tumbrell. Poġġi kollox fi skutella kiesħa u żid bil-mod ftit żejt taż-żebbuġa, melħ u bżar. Għatti u kessaħ sakemm ikun hemm bżonn.

Pass numru 2

Ipprepara l-Yuzu Mayo:
Fi skutella żgħira ħallat flimkien il-mayonnaise mal-meraq tal-yuzu u mal-meraq tal-lumiċell qares sakemm it-togħma tkun ibbilanċjata sewwa. Ħawwar ftit. Ittrasferixxi t-taħlita ġo piping bag u kessaħ għal 10 minuti.

Pass numru 3

Ipprepara l-puré tal-avokado:
Ħawwad jew agħfeġ l-avokado sakemm ma jkunx fiha l-biċċiet. Żid il-meraq tal-lumi, il-melħ, u l-bżar aħmar jekk tixtieq li tużah. Duq u żid il-bżar u l-melħ skont il-gosti tiegħek. Żommu mgħotti biex ma jibdilx il-kulur.

Pass numru 4

Ixwi t-tortillas:
Saħħan taġen fuq nar medju. Poġġi t-tortillas u ixwihom għal 30-40 sekonda fuq kull naħa sakemm jiġu jqarmċu ftit. Qatta’ kull wieħed fi kwarti.

Pass numru 5

Għaqqad id-dixx:
Poġġi kuċċarina mit-taħlita tat-tumbrell fuq kull biċċa tat-tortilla. Bil-piping bag, agħmel tikek żgħar tal-avocado puré u poġġi l-yuzu Mayo fuq. Żejjen il-platt billi tpoġġi ftit cress leaves.

Pass numru 6

Servi:
Servi immedjatament waqt li t-tortillas għadhom iqarmċu, bil-flieli tal-lumiċell qares fil-ġenb.

Din ir-riċetta hija aktar faċli milli taħseb.

Ara aktar riċetti

Acciola Al Cartoccio

Greater Amberjack Tartare with Tomato, Olive & Sumac

Tumbrell alla Puttanesca

Little Tunny Carpaccio with Fennel & Orange

Festive Amberjack with Citrus–Herb Crust, Artichoke Cream, Spinach & Pomegranate

Grilled Horse Mackerel with Braised Leeks & Fennel + Light Caper & Olive Oil Sauce

Ceviche tat-Tumbrell

Ħut moqli bil-panura tal-birra

Pan Fried Scabbardfish & Winter Citrus Salad

Tumbrell mixwi f’taġen b’zalza rikka tat-tadam