Curried Little Tunny Pie - Recipe - Explore Fish Variety

Torta mimlija bil-kubrita u l-curry

Torta mimlija b’taħlita ta’ biċċiet teneri tal-kubrita u ħxejjex friski, u tikkumplimentaha zalza Mediterranja mħawra bil-curry u ftit xibt frisk għal dik il-laqta kostali.

2 ħutiet tal-kubrita, fletjati u l-ġilda mneħħija
3 patatiet medji, imqaxxra u mqatta’ f’dadi
4 karrotti, imqaxxrin u mqattgħin flieli
1 basla, imqatta’ fina
1 dada tal-istokk tal-ħaxix jew tal-ħut
1-2 mgħarfa zalza tat-tadam
1 kuċċarina trab tal-curry ħafif (jew għat-togħma)
1 kuċċarina paste tat-tewm
2 mgħaref żejt taż-żebbuġa
2 folji pâte brisée (għaġina tat-torti)
1 isfar ta’ bajda, għall-wiċċ
Xibt frisk, imqatta’
Melħ u bżar iswed mitħun frisk, għat-togħma

Nota: Il-valuri huma approssimattivi u jistgħu jvarjaw skont il-marka tal-għaġina, il-kwantità taż-żejt, u l-kejl eżatt tal-ingredjenti.

Il-Metodu

Pass numru 1

Saħħan iż-żejt taż-żebbuġa f’taġen u żid il-basal, iz-zunnarija, u l-patata għal madwar 5 minuti, sakemm jiħmaru ftit.

Pass numru 2

Żid il-paste tat-tewm, id-dada tal-istokk, it-trab tal-curry, iz-zalza tat-tadam, u ftit ilma. Naqqas għal nar medju-baxx u tektek għal madwar 20 minuta, jew sakemm il-ħaxix ikun irtab.

Pass numru 3

Żid il-fletti żgħar tal-kubrita imqatta’ f’dadi u sajjar għal 10 minuti oħra. Temm billi titfa’ x-xibt imqatta’ frisk u żid il-bżar u l-melħ skont il gosti tiegħek.

Pass numru 4

Poġġi t-taħlita fil-bażi tal-għaġina tat-torta, għattiha b’folja oħra ta’ għaġina, issiġilla t-truf, u agħmel sinjali żgħar fil-wiċċ tat-torta. Idlek il-wiċċ bl-isfar tal-bajd u żid ftit melħ.

Pass numru 5

Aħmi f’forn imsaħħan minn qabel f’temperatura ta’ 200 °C għal madwar 15-il minuta, jew sakemm l-għaġina tiħmar.

Pass numru 6

Ħalli t-torta tistrieħ ftit qabel ma sserviha.

Mhux ċert/a minn fejn ser tibda? Segwi dan il-filmat ta’ kif tagħmel din ir-riċetta.

Ara aktar riċetti

Riċetta sempliċi - Tacos tal-ħut

Ftira bil-Kubrita

Soppa Tajlandiża bil-ħut u l-curry aħmar

Carpaccio tal-Kubrita bil-bużbież u l-larinġ

Sawrell mixwi bil-kurrat u l-bużbież, b’zalza tal-kappar u ż-żejt taż-żebbuġa

Fletti tas-sawrell msajra f’taġen bis-sweet and sour sauce

Ħut moqli bil-panura tal-birra

Aċċola għal żmien il-festi, bil-qoxra tagħha mħawra bil-qxur taċ-ċitru, krema magħmula mill-qaqoċċ, spinaċi u rummien

Ċinturin mixwi u akkumpanjat minn insalata xitwija biċ-ċitru

Għaġin bit-Tumbrell, bit-Tadam u bil-ġobon Feta