Skoss għandhom l-impressjoni li ċ-Ċinturin mhux l-iktar ħuta tajba għat-tisjir, iżda l-laħam tagħha huwa bajdani, ħelu u delikat, filwaqt li l-ġilda tagħha tiġi tqarmeċ meta tkun imsajra fuq taġen. Din il-ħuta tmur tajjeb ħafna maċ-ċitru u l-ħxejjex tax-xitwa u b’hekk jagħmluha ideal biex tkun l-ewwel platt f’xi ikla.
Ferra’ ċ-ċitru u pprepara l-ingredjenti tal-insalata. Warrab il-meraq żejjed miċ-ċitru.
Ħallat flimkien iż-żejt taż-żebbuġa, il-meraq tal-lumi larinġ, u l-kuċċarina tal-mustarda. Ħawwar bil-melħ u l-bżar.
Naddaf il-fletti twal tal-ħut u qatta’ kull porzjon fi 3 biċċiet. Ħawwarhom tajjeb bil-melħ.
Ħallat flimkien id-dqiq u d-dqiq tal-qamħirrum, ħawwar bil-melħ u iksi l-fletti tal-ħut bit-taħlita.
F’taġen jaħraq, sajjar il-ħut għal 2 minuti fuq in-naħa tal-ġilda u minuta (1) fuq in-naħa tal-laħam.
Ferrex it-taħlita taċ-ċitru fuq l-insalata u poġġi l-ħut fuq kollox.
Żejjen il-platt b’aktar ħxejjex aromatiċi u b’qoxra maħkuka tal-larinġ.
EXPLORE VARIETY, EAT SUSTAINABLE FISH©2026